Mae’r gweithgaredd hwn yn dilyn ymlaen o Ed a Bunny yn Ennill Peth Arian a dylid ei gwblhau ar ôl darllen y llyfr stori, sydd ar gael mewn amrywiaeth o fformatau hygyrch. Gweler yr adnoddau cysylltiedig isod am ragor o wybodaeth.

Bydd y gweithgaredd hwn yn rhoi cyfle i blant drafod o ble mae arian yn dod ac yn eu helpu i ddechrau deall bod arian yn adnodd cyfyngedig y byddant yn dysgu i’w reoli. Mae’r gweithgaredd yn gofyn i ddisgyblion helpu Ed a Bunny i gynllunio diwrnod allan gan ddefnyddio’r arian maen nhw wedi’i gynilo, gan gyfrifo faint y bydd y daith yn ei gostio a beth y gallent ei wneud gyda’u cyllideb.