Mae’r gweithgaredd hwn yn dilyn ymlaen o Straeon Gwych ar gyfer Arwyr Hinsawdd a dylid ei gwblhau ar ôl darllen y llyfr stori, sydd ar gael mewn amrywiaeth o fformatau hygyrch. Gweler yr adnoddau cysylltiedig isod am ragor o wybodaeth.

Mae pob un o’r straeon yn cynnwys cymeriad sy’n gwneud rhywbeth i achub y blaned trwy gymryd eitem a allai fynd i safle tirlenwi a gwneud rhywbeth arbennig â hi. Mae Ruby yn dysgu gan Catriona bod rhai gweithwyr dillad yn cael eu trin yn wael ac yn gorfod gweithio mewn amodau ofnadwy. Cyn hynny, roedd hi’n meddwl bod gwneud dillad newydd yn rhoi swyddi i bobl mewn gwledydd tlotach. Yn y gweithgaredd hwn, anogwch eich disgyblion i ymgymryd â rôl arwyr eco, gan ddod o hyd i ffyrdd o leihau gwastraff, ailgylchu, arbed arian a helpu pobl eraill. Dysgu a meddu ar wybodaeth yw’r cam cyntaf tuag at newid.